Cynorthwyydd Cynnal a Chadw, Sain Ffagan: Amgueddfa Werin Cymru

Math o swydd wag: Parhaol/Llawn Amser
Categori: Adeiladau
(Adeiladau ac Ystadau)
Ystod cyflog: Gradd B: £25,336.62
Oriau: 37 awr yr wythnos
Gofyniad lefel iaith Gymraeg: Dymunol

Crynodeb o'r Swydd

Rydym yn chwilio am Gynorthwyydd Cynnal a Chadw i ymgymryd ag amrywiaeth o waith trwsio a thasgau cynnal a chadw cyffredinol yn yr Amgueddfa Werin yn Sain Ffagan.

Rydym yn chwilio am rywun sydd eisiau bod yn rhan o dîm ymroddgar sy'n gofalu am rai o brif asedau Cymru o ran adeiladau treftadaeth.

Rydym yn chwilio am rywun a fyddai'n canolbwyntio ar helpu i gadw‘n cyfleusterau mewn cyflwr mor dda â phosibl, er mwyn cynnig profiad diogel a dymunol i'n hymwelwyr a'n staff.

Bydd y rôl yn cael ei lleoli'n bennaf ar safle Sain Ffagan (gyda'r potensial i deithio i rai o'n safleoedd eraill yn ôl yr angen) a bydd yn sicrhau bod strwythur adeiladau allweddol ar gael i'w defnyddio drwy’r amser, gan gyflawni pob math o dasgau cynnal a chadw o sicrhau bod systemau draenio to yn gweithio'n iawn i ymateb i’r angen i glirio draeniau a phopeth rhwng y ddau hyn.

Prif Ddiben y Swydd

Helpu:

- I sicrhau lle bynnag y bo modd, fod gwasanaethau, cyfarpar ac offer yr Amgueddfa yn cael eu cadw mewn cyflwr gweithio da.
- I gynnal a chadw adeiladau'r Amgueddfeydd.
- i ymgymryd â thasgau cynnal a chadw bach arferol

Dyddiad Cau: 02 Ebrill 2026 @ 5pm.