Parod i arwain y gâd ym myd y cyfryngau Cymraeg?

Mae Cwmni Da yn chwilio am arweinydd deinamig â chanddynt weledigaeth gref a chyffrous.

Rydym yn chwilio am Gyfarwyddwr Cynnwys i ymuno â’n tîm yng Nghaernarfon, ar lannau’r Fenai. Mae hon yn gyfle unigryw i yrru ac i lunio dyfodol un o gwmnïau cynhyrchu mwyaf llwyddiannus Cymru.

Bydd y Cyfarwyddwr Cynnwys yn chwarae rhan allweddol wrth lunio a chyflwyno gweledigaeth greadigol y cwmni, gan:

• Arwain y strategaeth golygyddol a’r gwaith datblygu cynnwys.
• Cynnal a chryfhau cysylltiadau gyda darlledwyr presennol ac adeiladu partneriaethau newydd.
• Hyrwyddo tîm cynhyrchu uchelgeisiol, creadigol a chydwei thredol.
• Bod yn llais ac yn bresenoldeb allanol i’r cwmni mewn digwyddiadau, comisiynau ac wrth ‘pitchio’ cynnwys.

Mae’r Gymraeg yn greiddiol i hunaniaeth Cwmni Da. Rydym yn disgwyl parch tuag at yr iaith ym mhob rôl ac yn croesawu pawb sy’n barod i gyfrannu’n gadarnhaol at ein diwylliant ddwyieithog. Rydym yn cynnig cefnogaeth ymarferol i bawb sydd eisiau datblygu eu hyder a’u defnydd o’r Gymraeg yn y gwaith.

Am ragor o wybodaeth, gan gynnwys y disgrifiad swydd lawn a manyleb y person, lawr lwythwch a darllenwch ein pecyn recriwtio.

Sut i Ymgeisio

I wneud cais ac i lawr lwytho'r pecyn recriwtio ewch i: https://cwmnida.cymru/ymunwch-a-ni/

Dyddiad cau: 29/08/2025

Am sgwrs anffurfiol cysylltwch â: Leah Watkins (Dolen HR) – leah@dolen.co.uk neu Bethan Griffiths (Prif Weithredwr) – bethan.griffiths@cwmnida.cymru